Better Decision, Born for Slaughter, Totem, Exotist

Better Decision, Born for Slaughter, Totem и Exotist - клуб Летна Хавана // 29 Јуни

Better Decision се враќаат на сцената со нова постава по една година апстиненција. Се работи за метал бенд, формиран 2006 година во Скопје, Македонија. Уште во првата година од своето постоење, бендот бележи настапи на Rock Fest и Motor Fest. Во 2007 бендот настапуваше неколку пати низ Македонија, а имаше и настап на PULJP фестивалот во Бољевац, Србија. 2007 е и годината кога BD за прв пат влегоа во студио и го снимија својот деби албум насловен како “Wasted Dream”. Промоцијата на албумот беше во 2008, кога и албумот е издаден. Во 2009та бендот бележи многубројни настапи, меѓу кои и со бендови како: Torture Squad, Celice, Plague Mass, Endsight, Good Old Days и др.

Born For Slaughter се скопски бенд, оформен 2008 година. По подолга пауза се враќаат на сцена со нов материјал и нова постава. Ова е втора свирка на бендот со новата постава, после свирката во Струга на која настапуваа заедно со Onanizer и Into Sickness.

Totem свират експериментална инструментална мешавина од дисторзирани звуци инспирирани од различните влијанија од многубројните екстремни и прогресивни метал бендови. Ова ќе биде прва свирка на бендот после долгогодишна отсутност од сцената.

Exotist е формиран во 2007 година од Васко Куцуловски и Кристијан Сарафимовски. Подоцна во 2008 примен е третиот член Лазар Спиров ,а потоа во 2009 и последниот член Крсте Крстевски со што бендот беше комплетиран. Музиката се заснова на мешање на музички стилови ставени врз метал јадро, со голем процент на импровизација.