Австралиски смарагд

Observers е многу интересен бенд од Австралија. А, и многу ретко сме посветувале внимание на инструментални бендови, за жал. Станува збор за микс на дум и прогресивен метал, на моменти со блекерски налети, но и многу, многу атмосферични делови. Па така, на пример, Forest of Doom експлодира во сите металски аспекти и баш на средина пропаѓа во многу добра атмосфера која трае и трае и трае до последниот дисторзиран шамар. Нема да го разоткривам целиот албум ама посветете внимание на Predestination! Ова се ретко квалитетни четириесет минути опасно добар инструментален и зрел метал. Албумот се вика Emerald и е тазе излезен од фурна, како независно издание.