Гетеборшки ѓурултии

Agrimonia е гетеборшка ѓурултија ама во секоја смисла. Членовите на бендот (кој постои веќе 20 години) се ветерани и од панк и од метал сцената. Можеби најпознат лик ни е басистот (Мартин Ларсон, кој долго време свиреше гитара во At The Gates). Како и да е, во декември издаваат нов албум, чиј наслов е Of the Shadows, а во меѓувреме ја стримуваат првата песна од албумот, In the Silence Engraved, која надминува 12 минути. Мешавина од метал и краст панк, но и со многу други таканаречени пост-метал елементи.