Интересен шведски треш/хеви метал

Налетав на одличен хеви/треш бенд од Шведска. На прв поглед си реков, еве некоја дет металштина (Шведска, нели?) ама се прелажав... и подобро. Малку да смениме. Skjord свират доста интересна мешавина на хеви и треш метал, а со новиов албум (A Different World) кој излегол во март годинава, направиле многу интересен микс на модерен метал и чудна сува, пригушена продукција, со многу добри мелодични делови и одлични солажички. Изданието е независно, впочем, како и нивните две претходни изданија, сингл и албум во 2021. Примамливо издание, морам да признаам.