Каков ден, таков метал

Vinteraske е one man show од Германија. Мошне мистичен човек, морам да признаам. Но, како што гледам, од самите почетоци во 2023 година, бил и мошне активен, снимил едно демо и четири синглови. Следниот месец преку Naturmacht Productions од Финска, го издава својот прв албум, Nocturne. Аматерите за црн метал, ко мене, ќе речат дека ова е многу интересно звучно здание, исполнето со енергија, но и акустични атмосферични делови (ко денов денес). Ја слушаме насловната песна од албумот, Nocturne. Секоја чест, младиќу!