Кога експериментираат ветерани

Бенд кој исто така треба да се провери, кога збориме за истражување, се Blindead 23 од Полска. Иако не е мој калибар, морам да признаам дека баш добро ме освежи ова. Изненадувачки добра екипа стои зад целава оваа приказна. Освен Павел (тапанарот), кој свирел во повеќе од триесетина бендови (меѓу кои најмаркантни се Vader, Belphegor, Decapitated) и остатокот од екипата не е наивен. Свиреле во Tiamat, Hate, Katatonia, Pain of Salvation... Како и да е, се работи за прогресивен пост метал (како што сами се категоризираат), каде може да се слушне ама баш се и сешто. Некои рифови неумоливо потсетуваат на Meshuggah... Зад сето ова застанале и Peaceville Records, а албумот Deuterium излезе пред само неколку дена. Ја слушаме (и гледаме) одличната Immersion I.