Затемнување на сонцето

Не, насловот нема никаква врска со веста ама не е лошо кога има затемнување на сонцето да се слушне добар црн метал. Hanternoz се француски старошколски блек метал со фолк елементи. Станува збор за ветеранско дуо од нивната сцена, кое пред десетина дена издаде нов албум A hed an noz, a noz, a noz. Пишуваат за британски и француски фолклор и легенди, а звучат многу интересно. Рудиментарно, мелодично, а сепак добро. Албумот изобилува со музички изненадувања од секаков тип. Благо кажано, богато издание што вреди да се преслуша. Седум песни спакувани во речиси еден час музика. Препорачувам!